İTP İnnovasiya Mərkəzi

İnformasiya Texnologiyaları və Proqramlaşdırma İnnovasiya Mərkəzi Azərbaycan, Rusiya, Türkiyə, İran və bir sıra xarici ölkələrdə İnformasiya Texnologiyaları sahəsi üzrə təhsil almış və böyük beynəlxalq təcrübəyə malik olan mütəxəssislər tərəfindən Azərbaycan Texniki Universitetinin nəzdində 2019-cu ildə yaradılmışdır. Məqsədlər • Elmi nailiyyətlər, bilik və rəqəmsal yeniliklər bazasında məhsul, xidmət, texnologiya, proses və həllərin hazırlanmasına, təqdim olunmasına və istifadəsinə əsaslanan innovativ inkişafın dəstəklənməsi . • Yerli və xarici biznes subyektləri ilə qanunvericilik çərçivəsində əməkdaşlığın təşkili üzrə kommunikasiya və məlumat mübadiləsi. • Biznes-iqtisadi münasibətlərin tənzimlənməsi və idarəedilməsi fonunda xidmətlərin operativ təşkilini reallaşdırmağa imkan verən intellektual dayaqlı rəqəmsal proqram məhsullarının hazırlanması. • Təhsil-tədqiqat-innovasiya mühitinə malik olması. • İnnovasiyanın təşviqi iddiası ilə və startap layihələrin inkişafın dəstəklənməsi üçün Akselerasiya və İnkubasiya mühiti. • Müasir standartlara cavab verilməsi, iş prosesinin sürətləndirilməsi üzrə metodlara və alətlərə əsaslanan Kovorkinq strukturu. • Mərkəzdə İKT sahəsinə aid pilot proqramlar, layihələr və startapların icrası. • Korporativ informasiya sistemləri və müxtəlif tətbiqi proqram təminatlarının işlənib-hazırlanması üzrə sifarişlərin qəbulu. • Müxtəlif İT servisləri və xidmətlərinin təşkili. • Beynəlxalq sertifikata və diplomlara malik IT mütəxəssislərinin hazırlanması. • Müəllimlər və inzibati heyəti üçün İKT savadlılığının artırılması üzrə təlimlər. • Rəqabətqabiliyyətli mütəxəssis hazırlığı proqramlarının mütəmadi olaraq aktuallaşdırılması, təhsil sahəsində insan resurslarının müasirləşdirilməsinə dəstək. • Elektron (virtual) tədris resurslarının inkişaf etdirilməsi.