Milingona

Qendra e Trajnimeve Online (QTO) Milingona, është një platformë edukative e cila u ofron trajnime online në formë të video-trajnimeve, të cilat, përveç platformës tonë https://milingona.al, mund t’i gjeni në kanalet tona në youtube.com/milingona dhe në video.gjirafa.com/milingona. Përveç video-trajnimeve, Milingona u ofron artikuj trajnimi përmes rubrikës BLOGU, ndërsa në rubrikën LAJMET mund të gjeni lajme nga sfera të ndryshme profesionale. Platforma Milingona, do të jetë ekskluzivisht profesionale, duke ofruar trajnime nga më të ndryshmet, me qëllim transmetimi të dijeve të profesionistëve tek të rinjtë që janë duke mësuar/studiuar, por edhe tek secili që i duhet për studim, punë apo thjeshtë ka interesim. Kjo bëhet me qëllim që të ndihmohen të gjitha grup-moshat që të zhvillojnë njohuri të reja në fusha profesionale, duke kontribuuar kështu drejtpërdrejt në krijimin e vendeve të reja të punës dhe zhvillimin e qëndrueshëm ekonomik të shoqërisë në hapësirën mbarë shqiptare. Milingona, është themeluar si alternativë duke pasur ide – që trajnimet t’ua sjellë në shtëpi, zyrë, apo edhe nëse jeni duke lëvizur me pajisje mobile (Celular, tablet, notebook etj.), në mënyrë që shfrytëzuesit t’i ndjekin ato në kohën e tyre të lirë, apo kur ata të kenë nevojë për to.