Svepparíkið

Svepparíkið ehf. vinnur að þróun ræktunaraðferða á sælkeramatsvepp úr lífrænum úrgangi frá matvælaiðnaði, trévinnslu og landbúnaði. Markmið okkar er að rækta sælkerasveppi og skapa nýjan markað á Íslandi fyrir hágæða sælkeramatsveppi á samkeppnishæfu verði. Sælkerasveppir eru kærkomin og mikilvæg viðbót í matarræði framtíðarinnar sem sjálfbær,umhverfisvæn og holl matvara. Við vinnum að þróun nýrrar tækni til sjálfvirkrar stýringar á ræktunarumhverfi sem tryggir lægri framleiðslukostnað og hágæða sveppi. Aðferðir okkar við svepparæktun nýta til fullnustu kjöraðstæður til ræktunar, stuðla að aukinni sjálfbærni í matvælaframleiðslu og styðja við uppbyggingu hringrásarkerfis í matvælaiðnaði á Íslandi. Sælkerasveppir mæta vaxandi þörf neytenda fyrir ferska umhverfisvæna og holla matvöru.