Studio ligjore "oxygen" email format

Studio Ligjore “Oxygen”, e themeluar në Tiranë në vitin 2018, ka për mision t’u ofrojë individëve dhe bizneseve qasje cilësore, krijuese dhe të suksesshme tek shërbimet ligjore, avokatore dhe gjyqësore, duke shërbyer si mekanizëm dhe partner i dobishëm në të gjitha aspektet e lidhura me mbrojtjen dhe zhvillimin e të drejtave dhe interesave të ligjshëm të subjekteve. Në përmbushjen e këtij misioni Studioja ofron shërbimet ligjore si vijon: - Asistencë dhe konsulencë juridike, të ofruara në mënyrë të njëhershme me kërkesë të individëve, kompanive, sa i takon hartimit të opinioneve juridike, akteve juridike, procedurale. - Asistencë, konsulencë dhe përfaqësim gjyqësor, të ofruara në mënyrë të qëndrueshme për kompani. - Përfaqësim përpara prokurorisë dhe gjykatës në çështje gjyqësore penale, civile, tregtare, familjare, të punës, administrative. Ndjekëse e një projekti ambicioz, e gatshme vetëm për shkëlqim profesional dhe sukses, Studioja nuk lë pa vëmendje angazhimin e prerë ndaj vlerave njerëzore, përçuese e një modeli profesional që gërsheton forcën me arsyen, duke sjellë të drejtën. Duke folur rrjedhshëm gjuhën e ligjit, tejkalojmë çdo vështirësi për të arritur yjet (lat. “Per aspera ad astra”). Av. Klaudia Reka Themeluese e Studios, Avokate me profil të konsoliduar profesional, lektore e jashtme për një periudhë shumëvjeçare pranë Fakultetit të Drejtësisë të Universitetit të Tiranës, mbajtëse e dy diplomave të studimeve Master. Av. Florida Asimetaj E diplomuar për Drejtësi në Universitetin e Tiranës, ka mbaruar studimet në master shkencor penal. Ushtruese prej disa vitesh e profesionit të avokatit, në kurrikulumin e saj rreshton edhe përvojën e fituar si juriste në administratën publike qendrore (ministri të linjës).