Kompania ARSTL Group e ka filluar suksesshëm aktivitetin e saj që nga viti 1998 dhe përbëhet nga tre firma të mëdha e konkretisht nga:1. Arseni shpk, themeluar në vitin 1998.2. TL-08 shpk, ka filluar aktivitetin në vitin 2008.3. GAMM 2012 shpk, kompania më e re, e themeluar në vitin 2012.Aktiviteti kryesor i kompanisë është distribucioni i një game të gjerë produktesh si lëngje frutash, ujë, pije energjike, birra, artikuj ushqimorë, detergjentë etj, në tregun shqiptar, ku mbulon me prezence mbi 75% të territorit të Shqipërisë. Fillimet e kompanisë kanë qenë në Shkodër, ku edhe ndodhen akoma zyrat qëndrore të saj, konkretisht në Superstradën Shkodër-Hani i Hotit, Km 6. Me zgjerimin dhe shtrirjen e gjerë të mbulimit të territorit me produkte, lindi si domosdoshmëri hapja e një filiali në Tiranë, konkretisht në Rrugën Nacionale Kamëz-FushëKrujë, Km 2. Aktualisht ky filial luan një rol kyç në aktivitetin e kompanisë. Në përbërje të kompanisë janë dhe disa qendra të tjera rajonale. Secila prej tyre është e pajisur me logjistikë dhe bazë trajtimi të mallrave, me një numër të madh mjetesh dhe me një staf të kualifikuar teknik e punëtor. Ekipi i kontrollit të cilësisë së mallrave dhe shërbimit, që realizon kompania përfaqëson 10% të të gjithë të punësuarve të ARSTL Group-it. Çdo ditë qarkullojnë mbi 52 mjete transporti, që zhvendosin mallra nga qendrat e distribucionit, në çdo cep të vendit, në dyqane, supermarkete, pika shumice, bare, restorante etj. Magazinimi i artikujve bëhet në një sipërfaqe totale prej mbi 7.500 m2. Me një menaxhim që ka gjithmonë nën fokus cilësinë dhe produktin e garantuar, tëshërbyer në mënyrë korrekte, ARSTL Group ka investuar në stafin e tij dhe ka gjeneruar një ekip specialistësh në tregun e shërbimeve tregtare, duke mbështetur me punësim, veprimtari ekonomike dhe zhvillim zona pak strategjike në hartën ekonomike të vendit.