İş həyatıma başlanğıc olaraq könüllü olaraq başlamışam. Azərbaycan Memarlıq və İnşaat Universiteti Tələbə Gənclər Təşkilatında 4 il müddətində müxtəlif vəzifələrdə könüllü olaraq fəaliyyət göstərmişəm. Könüllü fəaliyyətin biz gənclərə verdiyi üstünlüklərdən yararlanmağa çalışmışam. Bu müddətdə idarəetmə, komanda ilə birgə işləmək bacarığı, natiqlik qabiliyyəti, səlis nitq bacarıqlarımı yüksük səviyyədə inkişaf etdirmişəm. Tələbə olduğum dönəmlərdə müxtəlif təlim və seminarlarda iştirak etmişəm, bunlardan ən əsası Azərbaycan Milli Bankının keçirdiyi "Maliyyə savadlılığı", "Peşəkarların Maliyyə savadlılığı", Azərbaycan Respublikasının Maliyyə Bazarlarına Nəzarət Palatasının keçirdiyi seminarları misal göstərə bilərəm. Vaxtaşırı 1-ci və 2-ci kurs gənc könüllülərə liderlik və idarəetmə mövzusunda təlim keçmişəm. Universitetin bakalavr bölməsini bitirdikdən sonra magistr təhsili olaraq Azərbaycan Texniki Universitetinin "İqtisadiyyat və idarəetmə" fakültəsinin İnnovasiya və layihələrin idarə edilməsi ixtisasına daxil olmuşam və hal hazırda təhsilimi davam etdirirəm. Professional iş həyatıma "İnvest Audit" MMC-də mühasib olaraq başlamışam. Fəaliyyətimi hal-hazırda orda davam etdirirəm. İş karyeram və şəxsi inkişafımda ən diqqət etdiyim və üzərində işlədiyim nöqtə novatorluqdur. Hər hansı sahə olur olsun novatorluq orada böyük önəm daşıyır, özəlliklə ölkəmizin son illərdə iqtisadi inkişafa bu qədər önəm verdiyini nəzərə alarsaq.