Jon S. Castaño Serna Email & Phone Number

As miñas primeiras experiencias profesionais trataron de prácticas profesionais das formacións que nese momento transitaba. O primeiro destes tránsitos foi no INTECMAR, no 2015 en Vilanova de Arousa, provincia de Pontevedra. Alí, no departamento de Bioxeoquímica aprendín a relevancia que ten a investigacións in situ, especialmente, cando a investigación está relacionada coa calidade alimentaria, pois nese lugar e, a través de diferentes técnicas de laboratorio, fanse lecturas de hidrocarburos, Carbono Orgánico, Nitróxeno, etc., encamiñados a determinar toxinas no medio mariño que poden infectar, por exemplo, os mexilóns das bateas. Alí levei a cabo a miña propia investigación sobre a presencia de diferentes compostos na praia de Compostela, en Vilagarcía de Arousa.A segunda destas experiencias foi no 2019 no BIBICI; o grupo da USC no que principalmente, realicei Edición Xenética encamiñada á construcción de filoxenias, que en linguaxe coloquial, consiste en facer árbores nas que as ramas indican a proximidade que teñen as especies en función de indicadores xenéticos presentes en cada unha delas. Todo isto, serve para medir a biodiversidade, e polo tanto ter unha sinal para conservar e protexer.Posteriormente tiven unha das mellores experiencias da miña vida no ano 2022. Fun seleccionado polo MITECO para o programa "Campus Rural", que consistía habitar-traballar nun concello rural. No meu caso, fun ao concello de Parada de Sil, no corazón da Ribeira Sacra e estiven dous meses e medio traballando como "técnico en medio ambiente" no concello. Entre outras cousas cordinei un grupo para o Control Biolóxico e a investigación en fitopatoloxía de castiñeiros, xa que nesa zona, históricamente hai soutos de moito interese e enorme potencial productivo de castañas. Sen embargo, as pragas de avispilla (Dryocosmus kuriphilus) e o chancro (Cryphonectria parasitica) afectan a esta producción e á cosnervación do bosque. Tamén investiguei os ríos do concello a través do Proxecto Ríos de ADEGA e fixen seguemento de anfibios. A estancia en Parada de Sil rematou cunha xornada na que convidamos á veciñanza do concello, a unha serie de técnicos de diferentes centros forestais e á Asociación de Propietarios de Soutos de Parada de Sil na que, comentamos os resultados das nosas investigacións, abrimos unha canle de intercambio e interese para a conservación e a producción a redor dos soutos.Esta experiencia determinou que me interesase polo mestrado de Planificación e Xestión Territorial da USC, con mención, claramente, nas áreas rurais e os espazos naturais.