Kottala Ramu Email & Phone Number

నేనొక sub-bu ని. కేవలం మరకల్ని (ఎడిటింగ్) పోగొట్టడమే కాదు.. సువాసననూ (చదివించేలా) వెదజల్లుతా. చదవడం నా అలవాటు.. రాయడం నా అవసరం. నిజానికి నా అవసరం నుంచి నా అలవాటు పుట్టింది. ఇప్పుడు అవసరం, అలవాటు వేర్వేరు కాదు. ఒకేలా కనిపించే కవలలు. 'తాళం తీయకుండానే తలుపులు తెరుస్తున్నారు' అని కరోనా unlock సమయంలో బ్యానర్ లీడ్ రాస్తే.. 'అదెట్ల సామీ' అని డెస్క్ అంతా నోరు తెరిచి చూసింది.jee main పరీక్షకి వి'జేఈఈ'భవ అని హెడ్డింగ్ పెడితే.. షాక్ అయిన ఇంఛార్జి.. 'ఇన్నాళ్లు యాడుంటివి నాయనా' అని అడిగారువానలకి పత్తి పంట నాశనం అయితే.. వర్ష వి'పత్తి' అని హెడ్డింగ్ పెడితే.. 'హెడ్డింగ్ అంటే ఇది' అని డెస్క్ సభ్యులందిరికీ అదే ఇంఛార్జి చెప్పారు.బడ్జెట్ లో ఆర్టీసీ కి 1000 కోట్లు ఇచ్చినప్పుడు.. ఆర్టీసీ కి thousand వాలా అని పెడితే.. 'పేలింది గా' అన్నారు చిన్న ఎడిటర్.సౌత్ కొరియా, దక్షిణ కొరియా మధ్య వివాదాస్పద ప్రాంతంలో.. ట్రంప్ అడుగుపెట్టినప్పుడు.. 'ఒక్క అడుగు' అని హెడ్డింగ్ పెడితే.. ఇంఛార్జి, చిన్న ఎడిటర్, ఎడిటర్ వచ్చి మస్త్ ఉంది అన్నారు. కేజ్రీవాల్ పై బూటు విసిరితే.. పాపులర్ ఇ'ష్షూ'..ఎన్నికల్లో హైదరాబాద్ లో రోజుకు లక్ష బిర్యానీ ఆర్డర్లపై ఎ'లక్ష'న్ బిర్యానీ..ఉక్రెయిన్ క్రైసిస్, కరోనా lock down, ఇండియాలో ట్రంప్ టూర్, ఢిల్లీ అల్లర్లు..అబ్బో చెప్పుకొంటూ పోతే ఈ ఎనిమిదేళ్లలో ఎన్నో స్టోరీలు.. ఎన్నో హెడ్డింగ్ లు.. ఎన్నో బ్యానర్లు.. పైన చెప్పుకున్నవి కొన్నే.. 'ఇంకా చాలా ఉన్నాయి.. డాచిపెట్టినా'.అయినా నా గురించి డబ్బా ఎంతసేపు చెప్పుకోవాలి చెప్పండి. అందుకే ఆపేశా.సాక్షి.. పని నేర్పి బువ్వ పెట్టింది.. వెలుగు.. పదును చేసి హోదా పెంచింది. single column నుంచి బ్యానర్ దాకా సాగిన, సాగుతున్న ప్రయాణంలో.. 'బాగా రాస్తాడు.. మంచి హెడ్డింగ్ పెడుతాడు' అని సీనియర్లు, ఇంఛార్జిలు అన్నప్పుడు మంచి కిక్ వస్తది. ఆ కిక్ కోసం ఎంత మథనం అయినా చేస్తా. ఎంత కష్టం అయినా పడుతా. నాకొచ్చిన, నాకిచ్చిన పనిని సక్రమంగా చేసుకుంటా.. రైతు కొడుకుని కదా.. పంటను చూసుకున్నట్లే పనిని చూసుకుంటా. నిర్లక్ష్యం తెలియదు.. అలసత్వం అస్సలు ఉండదు..