Deseñei e impartin un curso de educación ambiental dentro do programa de prevención de drogodependencia do Concello de Lugo con Recursos Galicia.

Deseñamos o proxecto Des_equilibristas cun enfoque global do concepto de saude: alimentación, tempo libre, ambiente, emocions e comunidade. Tivemos en conta todo o proceso vivido durante o confinamento. Así o alumnado poderá acceder a actividades lúdicas e interesantes sobre saúde desde diferentes perspectivas, tanto na escolar como na casa. Un gusto traballar neste material!

Desde a nosa cooperativa relaizamos proxectos relacionados coa xestión, a educación e a participación ambiental. Algúns exemplos?? Na actualidade:- Proxecto "Camiños da Igualdade" con mulleres voluntarias do Concello de Padrón- Colaboración con Asemblea de Cooperación pola Paz no proxecto Escolas sen Racismo.Proxectos realizados recentemente:- Obradoiros participativos de educación ambiental para adultos e adultas no Concello de Padrón.- Proxecto de fomento do emprego sustentable dirixido a mulleres do concello de Agolada.- Xestión e coordinación de actividades do Centro de Interpretación Ambiental de Compostela do Concello de Santiago de Compostela (desde 2013 ata 2019).- Colaboración co Sindicato Labrego Galego na dinamización de grupos para o fomento da agroecoloxía e o tecido de pontes urbano-rural.- Proxecto para a Diagnose participativa sobre o Dereito ao Hábitat en centros escolares da Coruña, con Arquitectura Sen Fronteiras.- Proxecto para a análise, posta en valor e divulgación do Patrimonio Material e Inmaterial da Reserva da Biosfera Transfronteiriza do Gêres-Xurés, coa cooperativa MaOs, Innovación Social.Outros: colaboración con MaOs no proxecto Ruralactivo, para a dinamización do rural desde a agroecoloxía para o Concello de Pontevedra; o traballo conxunto coa Cova da Terra nos obradoiros de fomento do emprego sustentable "De Aquí, Xusto e Ecolóxico"; ou a dinamización do proceso de creación colaborativa dun roteiro pola costa de Ribadeo.

Fun mestra do certificado de formación de "Limpeza de espazos abertos e instalacións industriais" cun grupo de 8 alumnos e alumnas coas que aprendimos o valor dos espazos ao aire libre, a importancia de coñecer os produtos que utilizas e como poden afectar á túa saúde e ao teu entorno. Do local ao global, abrímonos a coñecer a problemática ambiental e a utilizar protocolos de traballo. Toda unha experiencia que espero repetir algún día.