“ICE Academia” beynəlxalq kouçinq akademiyasının yaradıcısı və rəhbəri, MCC dərəcəli kouç (beynəlxalq kouç iyerarxiyasında ən ali dərəcə), mentor, təlimçi və peşəkar psixoloqdur. O, karyerası dövründə yüzlərlə insana kouçluğun sirrlərini öyrətmiş, onlara fərdi və peşəkar inkişafda dəstəkçi olmuşdur. Senem Egilmezerin təlimləri təkcə güclü nəzəri və praktik dərslərdən ibarət deyil. O, həm də dinləyicilərinə bir ana kimi münasibət göstərir, daim tələbələrinin qayğısına qalır, problemləri ilə maraqlanır, onlara müdrik məsləhətlər verməyə çalışır, bacardığı köməyi əsirgəmir. Tələbələrin sözlərinə görə, bəzən hətta 5 saata kimi davam edən təlimdə onlar yorulmurlar, çünki Senem xanımın məzəli söhbətləri, şirin zarafatları təlimlərə əlavə rəng qatır, dinləyicilərin enerjisini artırır. İnsanların xarakteri, onların düşüncə və təfəkkürünü dərindən anlayan Senem Egilmezer bilik və təcrübəsini, əsasən, insanlararası münasibətlərə yönəldib. İnsanlararası münasibətlərin qurulduğu ən mürəkkəb sistemlərdən biri – ailədir. Bu sistemə mürəkkəblik gətirən başlıca amillər cütlüklərin xarakter müxtəlifliyi, dünyagörüşləri arasında fərqlər, tərəflərin ailədə öz rollarını düzgün başa düşməməsi, uşaqların ailəyə təsiri və s. ola bilir. Bu cür qarışıq münasibətlərə aydınlıq gətirmək üçün təcrübəli ekspert müdaxiləsinə böyük ehtiyac duyulur. Senem Egilmezer məhz o mütəxəssislərdəndir ki, uzun illərdir həyatını bu cür problemlərin həllinə yönəldərək, cütlüklərə düzgün seçim etməklə, taleyüklü qərarlar verməyə köməklik göstərib və bununla neçə-neçə ailəni dağılmaqdan qoruyub. Qeyd etmək lazımdır ki, Senem Egilmezer ailə eksperti kimi çalışarkən psixoloq deyil, daha çox kouç kimi çıxış edir. Çünki məhz kouçun fəaliyyəti nəticəsində insanlar imkanlarını daha düzgün dəyərləndirir, qarşılarındakı hədəfi daha düzgün seçir və ona tərəf uğurla və sürətlə addımlayırlar.