A+CO OJSC

Şirkət 1997 – ci ildə nar şirəsi xammalının istehsalı və satışı ilə fəaliyyətə başlamışdır. 2006 - cı ildən şirkət A+CO MMC adı ilə spirtli məhsulların istehsalına dair lisenziya alıb və bu adla fəaliyyətinə davam edir. Lisenziya aldıqdan sonra konyak spirti istehsalı ilə, qısa zaman sonra isə qablaşdırılmış çaxır, araq və konyak məhsulları istehsalına və satışını həyata keçirməyə başlamışdır. Keyfiyyəti ilə ölkə daxilində böyük işlər görən şirkət həmçinin öz çaxır və konyak məhsullarını Çin Xalq Respublikası və Rusiya Federasiyasına ixrac etməyə başlamışdır. Bununla yanaşı Şamaxıda və Tovuzda üzüm qəbulu məntəqələri yaradılmışdır. Həmin məntəqələrdə konyak spirti avadanlığı qurulub və hazırda da fəaliyyət göstərir. A+CO 2012 ci ildən spirt məhsulunun, 2016 – cı ildən isə viski məhsulları istehsalını da həyata keçirməyə başlamışdır. Bir müddət sonra şirkətdə yeni istehsal xətti – dəmir banka xətti, qurulmuşdur. 2022 - ci ildən etibarən şirkətin hüquqi statusu dəyişərək MMC – dən ASC - ə keçid etmişdir. Hal hazırda dəmir banka və şüşə istehsal xəttləri fəaliyyət göstərir. Banka xəttində enerji içkiləri, sərinləşdirici qazlı içkilər, soyuq çaylar, 8% - lik spirtli kokteyl içkiləri , şüşə xəttlərdə isə 5 % lik alkoqollu kokteyl içkiləri, çaxır, vodka, viski, konyak, spirt istehsalı mövcuddur. İçkilərdən əlavə olaraq A+CO şirkəti həmçinin "Pancofee" məhsullarının Azərbaycandakı rəsmi distributorudur. Bu markanın məhsullarının ölkə üzrə təmsilçiliyi hazırda da uğurlu olaraq davam etməkdədir. Şirkət olaraq bu məhsulların həm istehsalı , həm də distribusiyası ilə məşğuluq. Yerli və beynəlxalq şirkətlərlə uğurlu əməkdaşlıqlarımız davam edir.