ACADAR, Asociación de Mulleres con Discapacidade de Galicia

A Asociación de mulleres con discapacidade de Galicia, ACADAR, foi constituída o 1 de setembro de 2009 no concello de Santiago de Compostela, por 20 mulleres con discapacidade. Conscientes de que as necesidades específicas das nenas e mulleres con discapacidade non estaban cubertas nin tidas en conta por parte da sociedade actual, puxeron á súa disposición a ferramenta máis axeitada para promover, coordinar e reivindicar a defensa dos dereitos das mulleres de cara á súa plena inclusión en todos os ámbitos da sociedade. ACADAR foi declarada de utilidade pública segundo a Orde de 5 de febreiro de 2020 (DOGA nº 32 de 17 de febreiro de 2020). Ademais, está rexistrada no Rexistro Central de Asociacións cun ámbito de actuación autonómico da Consellería de Presidencia, Administracións Públicas e Xustiza co número 2009/013595-1 (SC); no Rexistro Único de Entidades Prestadoras de Servizos Sociais da Consellería de Traballo e Benestar co número E-523-71; no Rexistro de Entidades de Acción Voluntaria co número O-633; e nos Concellos de Santiago de Compostela, Ourense, Lugo, Vigo, A Coruña, Ferrol e Narón. Así mesmo, a entidade pertence á Confederación Estatal de Mulleres con Discapacidade (CEMUDIS), á Federación provincial de A Coruña da Confederación Galega de Persoas con Discapacidade (COGAMI-CORUÑA), da Federación de Asociacións de COGAMI Lugo e Pontevedra, Federación DISCAFIS-COGAMI Ourense e da Asociación de Desenvolvemento Galicia Suroeste Eurural (GDR14).