Asociación Compostelá de Esclerose Múltiple, Párkinson, ELA e outras

A Asociación Compostelá de Esclerose Múltiple, Párkinson, ELA e outras enfermidades neurodexenerativas (ACEM) é unha entidade sen ánimo de lucro que nace no ano 1995 co fin de contribuír a mellorar a calidade de vida das persoas afectadas por ésta e por outras enfermidades neurodexenerativas semellantes. No 2007 foi recoñecida como entidade de Utilidade Pública. Traballamos principalmente co colectivo de persoas afectadas de esclerose múltiple e de párkinson, levando a cabo toda clase de accións destinadas a mellorar a súa situación e a das súas familias, a través da prestación de servizos sociosanitarios, da sensibilización social e da defensa dos seus dereitos. O ámbito de actuación de ACEM son as provincias de A Coruña e Pontevedra; concellos e comarcas incluídas dentro do ámbito de atención xeográfico, clínico e administrativo do Complexo Hospitalario Universitario de Santiago de Compostela. A sede de ACEM ubícase en Santiago de Compostela. PROGRAMA DE REHABILITACIÓN INTEGRAL A nosa actividade sociosanitaria concrétase nun programa de rehabilitación integral que levamos a cabo grazas a un equipo interdisciplinar formado por profesionais sociosanitarias que prestan os servizos de fisioterapia, logopedia, terapia ocupacional, atención psicolóxica e traballo social. SERVIZOS: - Fisioterapia - Logopedia - Terapia Ocupacional - Atención psicolóxica - Traballo Social - Asesoramento xurídico e asistencia xudicial ACTIVIDADES COMPLEMENTARIAS - Pilates - Golf adaptado - Artes plásticas ADEMÁIS: - Xornadas divulgativas. - Campañas de sensibilización e concienciación. - Accións de visibilización.