Adore Kompani LLC

Adore şirkətinin tarixi 1999-cu ildə Azərbaycanda parfümeriya və kosmetika məhsullarının distribüsiyası və pərakəndə satışı sahəsində liderliyə doğru atılan ilk addımlarla başlayır. Özünə inam, orijinallıq və eksklüzivlik axtaran elit müştərilərin yeganə seçimi olan parfümeriya və kosmetika mağazalar şəbəkəsinin yaranması məhz bu dövrə təsadüf edir. 2020-ci ildə Azərbaycan bazarının ikinci böyük pərakəndə şəbəkəsi olan Sabina mağazalar şəbəkəsi ilə birləşərək, parfümeriya və kosmetika məhsullarının pərakəndə ticarəti və distribüsiyası sahəsində bazarın yeganə lideri olan “ADORE KOMPANI” MMC yaradıldı. Hazırda şəbəkə 7 ADORE mağazası, 5 SABİNA mağazası, 1 VOYAGE BEAUTE mağazası, 1 MAC mağazası və 1 NYX PROFESSIONAL MAKEUP mağazasından ibarətdir. Müştərilərə yüksək keyfiyyətli xidmət göstərməkdə 20 ildən artıq təcrübəyə malik olan ADORE Perfumery & Cosmetics innovativ pərakəndə satış konsepsiyası, mükəmməl xidmət standartları və fərqli qonaqpərvərliyi ilə Azərbaycanda parfümeriya və kosmetika alış-verişi üçün əvəzolunmaz ünvana çevrilmişdir. Eksklüziv kosmetik və ətir məhsullarının satışı və distribüsiyası üzrə rəsmi nümayəndə olan ADORE, 150-dən çox brendin məhsullarını ölkə bazarına təqdim edir. Bu brendlərə daxildir: Kosmetik məhsul brendləri: NYX PROFESSIONAL MAKEUP, MAC, Pupa, IsaDora, Bourjois; İnnovativ qulluq brendləri və üz-bədən baxımı - Shiseido, Sisley, Collistar, Caudalie; Cottage və Le Petit Olivier; Saça qulluq brendi: WELLA Professionals; Ətir brendləri: Chanel, Christian Dior, Guerlain, Givenchy, Versace, Trussardi, Lancome, Giorgio Armani, Narciso Rodriguez, Xerjoff, Liquides Imaginaires, Korloff, Lalique və s.