Azərbaycan Gənclər Parlamenti (AGP)

Azərbaycan Gənclər Parlamenti 18-35 yaş aralığında seçilmiş 60 gəncin gender, ekologiya, İKT və innovasiyalar, təhsil, mədəniyyət, regional sahibkarlıq, icmalarla iş kimi sosial məsələləri müzakirə edərək dövlət qurumlarına təqdim edilmək üçün təkliflər hazırladığı yeni bir platformadır. AGP ictimai layihədir və gəlir əldə etmək məqsədi güdmür. Hər hansı siyasi partiyanın maraqlarına xidmət etmir. AGP fəaliyyətinin təşkili üçün Azərbaycan Respublikasının hökumət və qeyrihökumət orqanları, beynəlxalq təşkilatlar, xarici ölkələrin Azərbaycan Respublikasında akkreditə olunmuş nümayəndəlikləri, eləcə də Milli Məclis ilə əməkdaşlıq edir.