AlatBay

“AlatBay Industrial Development Afezco” şirkəti tərəfindən təqdim edilmiş investisiya planının ilkin fazasında 2022- 2023-ci illəri əhatə edən dövründə AlatBay Logistika Mərkəzinin yaradılması nəzərdə tutulub. Bu məqsədlə şirkətə AFEZ tərəfindən 5 ha torpaq sahəsi ayrılıb Logistik mərkəzdə tranzit, ixrac- idxal əməliyyatları həyata keçirən müştərilər üçün yüklərin qəbulu, saxlanması və yüklənməsi daxil olmaqla, tam çeşiddə xidmətlərin göstərilməsi nəzərdə olunur. Layihə üzrə tikinti işləri 2022-ci ilin oktyabr ayında başlamış və uğurla davam etdirilir. Tikinti işlərinin 2023-cü ilin may ayına kimi bitməsi və həmin tarixdən mərkəzin tam fəaliyyətə başlaması planlaşdırılır. Azərbaycan Respublikasının Prezidenti cənab İlham Əliyev tərəfindən 22 may 2020-ci il tarixində imzalanmış fərmanla Ələt Azad İqtisadi Zonası - Xəzər dənizi sahilindəki Ələt qəsəbəsində yerləşən ticarət və logistika mərkəzi yaradılıb. Yeni yaradılmış azad iqtisadi zonanın ərazisi Ələt qəsəbəsinin bir hissəsi olan, paytaxt Bakıdan 65 kilometr cənubda, Qaradağ rayonunun inzibati ərazisində yerləşən torpaqları əhatə edir. Ələt qəsəbəsindəki ən böyük Xəzər limanı olan Bakı Beynəlxalq Dəniz Ticarət Limanı, Ələt Azad İqtisadi Zonasının istifadəsi üçün ayrılmış ərazilərə daxil edilib.