Almannaverkið

VIT VILJA GERA MUN Almannaverkið er hornasteinur í føroysku vælferðarskipanini, ið umsitur eina røð av sosialum skipanum OKKARA ENDAMÁL Tryggar lívsumstøður og eitt gott sjálvstøðugt lív. OKKARA STREMBAN Vit vilja gera mun við bestu og mest framkomnu sosialu tænastunum. OKKARA VIRÐIR Javnvirði Eldhugi Trivnaður Gjøgnumskygni Yrkisdugnaskapur OKKARA YVIRSKIPAÐU MÁL Eitt gott og rúmsátt arbeiðspláss - borgarum og starvsfólkum at frama Eitt gott lív á egnum beinum Skynsamur rakstur OKKARA VIRKSEMI Almannaverkið umsitur fyri góðar 2 milliardir krónur á løgtingslógini fyri 2023, og til samans starvast meira enn 1200 fólk í Almannaverkinum. Leiðslan í Almannaverkinum er skipað við almannastjóra, fíggjarstjóra, trivnaðarstjóra og viðskiftastjóra. Trivnaðardepilin umsitur allar trivnaðartænastur, og Viðskiftadepilin umsitur sosiala fyrisiting og útgjald av veitingum. Almannaverkið virkar um allar Føroyar og veitir umleið 1000 trivnaðartænastur til góðar 750 borgarar, ið fáa tænastur á bústøðum, verkstøðum, dag- og frítíðartilboðum, umlættingartilboðum, stuðulstilboðum og barnavernd í fleiri enn 88 bygningum kring alt landið. Fleiri enn 20.000 hjálpartól eru lænt út at betra um lívið hjá borgarum og fleiri enn 950 borgarar fáa endur- og viðlíkahaldsvenjing fyri at vinna førleikan aftur. Hvørt ár gera vit 240.000 peningaflytingar og taka 16.300 avgerðir. SAMBAND VIÐ ALMANNAVERKIÐ Samband við Almannaverkið fæst á telefon 360000 ella umvegis heimasíðuna www.av.fo