Bara tala

Bara tala er stafrænn íslenskukennari sem byggir á gervigreind og íslenskri máltækni. Í dag eru innflytjendur á Íslandi 22% af íslenskum vinnumarkaði og því bráðnauðsynlegt að efla íslenskukennslu og stórauka aðgengi fólks að henni. Það er réttlætismál að gefa fólki lykil að samfélaginu. Bara tala er skemmtilegt og grípandi smáforrit þar sem íslenskan er kennd í gegnum leik. Með Bara tala geta notendur spreytt sig á samtölum á íslensku í öruggu umhverfi. Forritið hlustar á notendur tala, æfir þá í framburði og veitir endurgjöf í rauntíma. Boðið er upp á grunnnámskeið og vinnusértækt efni fyrir fyrirtæki. Með Bara tala getur starfsfólk æft sig og lært íslensku hvar og hvenær sem er. Að okkar mati mættu Íslendingar vera þolinmóðari og betri í að hlusta á aðflutta Íslendinga. Það er alger óþarfi að skipta yfir í ensku um leið og einhver talar með hreim. Við þurfum að „bara hlusta!“ og gefa fólki raunverulegt tækifæri til að spreyta sig á íslenskunni og við vonum að Íslendingar geti tekið höndum saman og búið til öruggt og lærdómsríkt umhverfi fyrir fólk sem vill læra okkar ástkæra og ylhýra tungumál. Til að læra tungumál þarf nefnilega að æfa sig í að tala, Bara tala!