BERC&Partners

“BERC&Partners” biznes tədqiqatlarının aparılması, bizneslərin qurulması və idarə edilməsi, eləcə də bu sahələrdə məsləhət xidmətlərinin göstərilməsi, biznes mühitində tələb olunan praktik bacarıqlara malik kadrların hazırlanmasında ixtisaslaşmış biznes xidmətləri ekosistem şirkətidir. Şirkətimiz 2018-ci ildə maliyyə sahəsində ixtisaslaşmış 5 nəfərlik komanda tərəfindən yaradılıb. Fəaliyyətimizə fərdi sahibkarlar, xüsusilə kiçik və orta sahibkarlıq subyektləri üçün maliyyə, mühasibat uçotu, vergi uçotu və məsləhət xidmətləri təqdim etməklə başlamışıq. Daha sonra strateji baxışımıza uyğun olaraq xidmət sahələrimizi və fəaliyyət dairəmizi genişləndirərək biznes xidmətləri üzrə ekosistemə çevrilmişik. Biz şirkətlərə və fərdi sahibkarlara bizneslərinin mövcud vəziyyətinin diaqnostikası, ümumi yaxud bölmələrinin idarəedilməsi və inkişaf etdirilməsi üzrə autsors və məsləhət xidmətləri təqdim edirik. Qlobal hədəflərimizə uyğun olaraq ölkəmizlə yanaşı dünyanın bir çox ölkələrində, xüsusilə MDB, Türkiyə, Çin və Avropada, ekosistemimizi zənginləşdirmək məqsədilə müxtəlif sahələrdə ixtisaslaşmış partnyor şirkətlərlə səmərəli əməkdaşlıqlar qururuq. Xidmətlərimizdən əlavə olaraq, biznes subyektləri və akademik sektor ilə birgə təşəbbüslər həyata keçirmək, bilikləri praktikaya yönəltmək və cəmiyyət üçün dəyər yaratmaq da əsas fəaliyyət istiqamətlərimizdən biridir. Hazırda 125-dən çox peşəkar kadrlardan ibarət komandamızla 150-dən çox xidmət təklif edir və biznes ehtiyaclarına uyğun olaraq xidmət çeşidini davamlı olaraq genişləndiririk.