Die Voortrekkers

Die Voortrekkers se naam getuig van toekomshoop, dapperheid, wilskrag en visie. Dr Cornelius Francois Visser - ‘n filosoof, denker en groot idealis, het die beweging in 1931 in Bloemfontein gestig. In die naam lê eeue oue geloofsdapperheid, kulturele identiteit, deursettingsvermoë en trotse tradisie opgesluit. Die Voortrekkers is by uitstek ʼn KAN-organisasie. Die kombinasie en balans tussen kultuur, avontuur en natuur is Die Voortrekkers se geheime resep vir jeugontwikkeling. Die Voortrekkers is dus ʼn roepingsgedrewe kultuurorganisasie wat gestig is met die kern ideaal om koers vir die jeug aan te dui. Die Voortrekkers het dus ʼn verantwoordelikheid om ons jeug met waardes, vaardighede en kennis toe te rus sodat hulle ʼn verskil in die land en wêreld kan maak. Diensbaarheid is die asem van Die Voortrekkers. Die Voortrekkers - ʼn Afrikaanse Christelike kultuurorganisasie vir die jeug – besoek gerus hulle webblad www.voortrekkers.co.za. Dr CF Visser het gesê “Eenmaal ʼn Voortrekker, altyd ʼn Voortrekker”.