Dore Group

İş fəaliyyətinə fərdi sahibkar olaraq 30 il öncə kiçik mağaza və 2 nəfərlik heyətlə başladılar. Bu gün isə Dore Group artıq 300 nəfərlik bir komanda ilə Azərbaycanın 7 regionunda iri anbarlarla fəaliyyət göstərir. Dore Group müştərilərinə yüksək keyfiyyətli məhsullar təqdim edir. Buraya qeyri-qida məhsulları, o cümlədən gözəllik baxımı, təmizlik məhsulları və digər qeyri-qida kateqoriyalarına aid məhsullar daxildir. Məhsullar bütün Azərbaycan üzrə gözəllik baxımı mağazalarında, supermarketlər şəbəkələrində, pərakəndə satış məntəqələrində, apteklərdə, parfumeriya və kosmetika mağazalarında satışa çıxarılır. 50-dən çox beynəlxalq brendin rəsmi nümayəndəliyini həyata keçirən Dore Group-un müştərilər arasında yüksək etibara malik bazar lideri olan beynəlxalq markaları da var. Bu da yerli müştərilərin keyfiyyətli və dünyaca məşhur firmalara asan çıxışını təmin edir. Dore Group Bakı və regionlarda fəaliyyət göstərən iri anbarlar və geniş çatdırılma imkanları ilə müştərilərinə vaxtında və keyfiyyətli xidmət göstərir. Şirkətin 50 daşıyıcı nəqliyyat vasitəsi geniş məhsul çatdırılma imkanları yaradır. Dore Group bazarda lider mövqeyini qorumaq üçün daim yeniliklərə açıqdır. Bu günədək əldə edilən nailiyyətlər doğru strategiya və müştəri məmnuniyyətinə fokuslanmaqla mümkün olub. Müştəri qarşısında etibarlılıq şirkəti daha da gücləndirir və hədəflərə çatmaq üçün imkanlar yaradır. Dore Group dəyərlərini qorumaqla yanaşı daim daha böyük hədəflər üçün çalışır. Başlıca dəyərləri komanda ruhu və dürüst satışdır. Şirkəti fərqli edən əsas amil müştərilərdə uzunmüddətli etibar yaratmaq və onların ehtiyaclarını ön planda tutmaqdır. Dore Group hazırda qeyri-qida sektorunda ilk onluqda yer alır. Növbəti ildə isə hədəf ilk beşlikdir. İş həyatında illərin təcrübəsi, sosial bacarıqlar, müştərilərə individual yanaşma və peşəkar komanda ilə bu məqsədlərə çatmaq elə də çətin olmayacaq.