Englify®

"Englify"-ın əsas məqsədi maksimal effektiv tədris vəsaitlərindən və innovativ texnologiyadan istifadə etməklə ölkəmizdə ingilis dilinin tədrisini ən yüksək səviyyədə təşkil etməkdir. Müəllim kollektivimiz yerli və əcnəbi mütəxəssislərdən ibarət olmaqla həm online, həm də offline dərslər təşkil edilir. İstənilən əcnəbi dilin xüsusilə erkən yaşlarda öyrənilməsi, qavranılması asan olur. Bütün bunları nəzərə alaraq Tədris Mərkəzimizdə azyaşlı tələbələrimiz üçün "English for Young Learners" proqramını hazırlamışıq. Bu dərslər azyaşlı tələbələrlə işləmək təcrübəsi olan, uşaq və yeniyetmələrin psixologiyasını, onlarla düzgün rəftar metodikasını yüksək səviyyədə bilən müəllim və mentorlarımız tərəfindən təşkil edilir. XXI əsrin prioritet inkişaf istiqamətlərindən biri də müasir təhsil sistemidir. Tələbələrimizin bu sistemdən yararlana bilmələri üçün mərkəzimizdə IELTS, TOEFL, SAT kimi ingilis dilinin beynəlxalq sertifikat imtahanlarına hazırlıq təşkil olunur. Hazırlıq zamanı tələbələrə imtahan vaxtı qarşılaşa biləcəkləri çətinliklər və imtahan strategiyası tam olaraq öyrədilir. Tələbələrin real imtahan abu-havasına alışmaları məqsədilə mütəmadi olaraq sınaq testləri təşkil olunur. Bundan başqa tədris mərkəzimizdə mütəmadi olaraq "Xaricdə təhsil" mövzulu konfrans və təlimlər keçirilir. Tələbələrimizin hər biri yerli və xarici universitetlərdə ingilisdilli təhsil ilə əlaqədar istənilən məlumat və məsləhəti bizim təhsil mütəxəssislərimizdən əldə edə bilərlər.