FreeMind Tech بالعربي 🎙️

اللي ميعرفش IT SysAdmins Egypt بالعربي 🎙️ هي مجتمع تقني متواجد منذ عام 2018 عبر الواتساب ، تأسس هذا الجروب في 26/07/2018 و كان حلمي انشاء مجتمع يجمع كل الناس المتخصصه في مجال System Administration عشان يساعدوا بعض و يبقوا Support لبعض ، و منذ ذلك التاريخ و التعاون المشترك بين اعضاء هذا المجتمع جميل جدا ، و كمان اتعرفت علي سادة افاضل من هذه الجروب الرائعه ، حابب اشكر كل الناس اللي بتساعد بعض في الجروب (الواتساب)وشوفنا قصص تعاون هائلة، و اشهرهم المهندس اللي كان عنده مشكله في ال DataCenter فالشغل و كتب علي الجروب و حد من الاعضاء الافاضل نزل من بيته و راحله بنفسه بدون اي مقابل (بعتذر جدا مش متذكر الاسماء) و غيرها من قصص التعاون كتير.... حابب اشارككم قرار و هو تغير اسم الكموينتي عشان يكون معبر عن التطورات اللي بتحصل في الكمويني و هي ان احنا بدءا من 2023 مبقناش مختصيين في مجال ال System Administration بس بقينا بنتكلم و بنقاش مواضيع كتير ، ففكرنا نغير الاسم ل اسم اشمل يستوعب كل المواضيع الخاصة بمجال تقنية المعلومات بلا حدود و قيود .... انا لم اتخذ هذا القرار لوحدي ، ابدا، انا اخذت رأي كل الاعضاء من خلال جروب الواتساب و كذلك التليجرام .....و اختارنا اسم خفيف علي اللسان وهو : FreeMind Tech