საქართველოს აკრედიტაციის ცენტრი / Georgian Accreditation Center

სსიპ აკრედიტაციის ერთიანი ეროვნული ორგანო - აკრედიტაციის ცენტრი წარმოადგენს საქართველოს ეკონომიკისა და მდგრადი განვითარების სამინისტროს სისტემაში შემავალ საჯარო დაწესებულებას. აკრედიტაციის ცენტრი დაარსდა 2005 წელს და წარმოადგენს ქვეყნის ერთადერთ აკრედიტაციის ორგანოს. ის უზრუნველყოფს შესაბამისობის შეფასების ორგანოების (შშო) აკრედიტაციას, რათა დაიცვას ეროვნული, ევროპული და საერთაშორისო სტანდარტები და ხელი შეუწყოს ხარისხისა და უსაფრთხოებისადმი ნდობის განმტკიცებას სხვადასხვა სექტორში. აკრედიტაციის ცენტრი აკრედიტაციას ანიჭებს საგამოცდო და საკალიბრო ლაბორატორიებს, ინსპექტირების ორგანოებს, სამედიცინო ლაბორატორიებს, პერსონალის სერტიფიკაციის ორგანოებს, პროდუქტის, პროცესებისა და მომსახურების სერტიფიკაციის ორგანოებს, საკვალიფიკაციო ტესტირების მომწოდებელ ორგანოებს და აუდიტისა და მენეჯმენტის სისტემების სერტიფიკაციის ორგანოებს. აკრედიტაციის ცენტრი მოქმედებს აკრედიტაციის შესახებ ეროვნული კანონმდებლობისა დაევროპული რეგულაციის (EC) No 765/2008-ის მოთხოვნების შესაბამისად, რაც უზრუნველყოფს პროცესების შესაბამისობას ევროპულ სტანდარტებთან და საუკეთესო პრაქტიკასთან. როგორც ევროპული თანამშრომლობის ორგანიზაციის - EA მრავალმხრივი აღიარების შეთანხმების (MLA) ხელმომწერი, საერთაშორისო ლაბორატორიული აკრედიტაციის თანამშრომლობის (ILAC) და საერთაშორისო აკრედიტაციის ფორუმის (IAF) სრული წევრი, GAC უზრუნველყოფს, რომ მის მიერ აკრედიტებული სერვისები იყოს გლობალურად აღიარებული და სანდო. საერთაშორისო სტანდარტების და პრინციპების მკაცრი დაცვის გზით, GAC მნიშვნელოვან როლს ასრულებს საქართველოს ხარისხის ინფრასტრუქტურის გაძლიერებაში.