GET Ráðgjöf

Við höfum mjög sterkan grunn og yfir 20 ára reynslu í innleiðingum og þróun í Microsoft Dynamics AX. Við höfum unnið bæði sem starfsmenn hugbúnaðarfyrirtækja sem og starfsmenn tölvudeilda fyrirtækja. Markmið okkar er ávallt að einfalda, sjálfvirknivæða og þétta vinnuferla fyrirtækja þannig að afköst og skilvirkni megi aukast. Við höfum undanfarin ár þróað verkfærakistu af aðgerðum og þjónustum sem færa eldri kerfi nær skýinu með snjallri afritun gagna, samþættingum (e.integrations), vöktun á þjónustum o.m.fl. Nýjasta lausn okkar hlaut nýverið inngöngu í Startup Supernova hraðal hjá KLAK, sem hefst í ágúst 2023. Lausnin snýr að því að bjóða fyrirtækjum sem eru í viðskiptum sín á milli upp á þjónustusíður á staðlaðan en sveigjanlegan máta sem þjónustu. Því fylgja ótvíræðir kostir fyrir þau fyrirtæki sem kaup aðgang s.s. mun styttri innleiðingartími, lægri innleiðingarkostnaður og hagkvæmni af því að vera í liði með fleirum og samnýta bæði auðlindir og lausnir.