Harago Aholkularitza

Lidergo OSOak antolakunde OSAsuntsuetarako. Proiektu, pertsona eta inguruarentzat onuragarriagoak diren kultura organizatiboak garatzen zabiltzatenoi bidea errazten dizuegu, pertsonak eta taldeak gaituz. Modu hauetara, besteak beste: 1. LIDERALDATU auditoretza parte hartzailea: bestelako lidergo moduen bilaketan sakondu nahi duzuen zuzendaritza taldeentzat, egun duzuen lidergo estilo nagusia bereizi eta lidergoaz beharko duzuena identifikatzeko. 2. FORMAZIOA, pertsona eta lantaldeak gaitzeko XXI. mendeko enpresek dituzuen erronkei begira: lantaldeak lideratzeko botere kontzientzia eta eragin hau modu onuragarrian baliatzeko trebakuntza, ardura postuetan zaudetenontzat; lantaldeetan isiltasun diren horiek elkarrizketa eraginkor bilakatzeko formazioa, besteak feedback emateko eta jasotzeko trebeziak lantzetik. Honekin lotuta, lantaldeak ekarpenerako espazio osasuntsu izan daitezen jorratzeko ikasketa ere laguntzen dugu, talde tentsioak eta parte hartze desorekak gainditzeko segurtasun psikologikorako baldintzak hobetzeko aldagaien bitartez. Talde lan eraginkorrak era berean koordinazio moduak hobetzeko bideetan trebatzea eskatzen du, eta horri begira garatzen ditugu lantaldeokin team building saio praktikoak naturan, egunerokotasunera eramateko ikasketei begira. Eta lidergoek plaza publikoa ere badutenez, jendaurreko komunikazioan aritzeko prestakuntza praktikoaren bitartez taldean eta banaka egoera hauek ekartzen dizkiguten zailtasunak gainditzen laguntzen dizuegu, estilo komunikatibo pertsonala balio korporatiboekin uztartuz. Baina nola antolakunde bizigarri eta parekideak garatu, emakumeok ahalduntzerako bideari tartea eskaini gabe? karpenerako mugak elkarrekin gainditu eta komunikazio eraginkorra lortzeko boteretze saioetan espazio seguruak errazten ditugu horretarako. 3. Hau guztia laguntzeko ardura postuetan garapen pertsonala gakoa denez, ZURETZAT eskaintza, ardura postuak modu eraginkorrago edo eramangarriago baterantz urratsak eman nahi dituzuenontzat.