Helpende Hand Studiefondssentrum

Die Studiefondssentrum is ‘n inisiatief van Solidariteit Helpende Hand wat in 2009 gestig is om armoede te verbreek, deur opleiding vir studente deur middel van rentevrye studielenings moontlik te maak. Die Studiefondssentrum se volhoubaarheidsmodel is daarop geskoei dat een student ‘n volgende student se studies moontlik maak wanneer hy/sy hulle rentevrye studielening terugbetaal. Die sukses lê daarin dat meer as 90% van die studente hul rentevrye studielenings terugbetaal. Dit beteken dat donateurs (nuwe kapitaal) en afgestudeerdes (terugbetalings) saamwerk om ‘n sneeubal- effek skep wat beteken dat ons elke jaar meer en meer studente kan help.