Inno Fab Lab

Inno Fab Lab, проект на Здружението ИНО ТЕХ КЛУБ во партнерство со Технолошко-металуршкиот факултет во Скопје, во период од 12 месеци, ќе им овозможи на педесети на креативни средношколци и студенти да се вклучат во работа на конкретни проекти кои ќе резултираат со развој на најмалку шест продукт-прототипи. Тимовите ќе бидат составени од 6-8 млади луѓе, а главен предуслов ќе биде најмалку 40 % од членовите на тимот да бидат девојки. Проектот предвидува транспарентна постапка на селекција на шест тимови, чии идеи имаат најголем потенцијал за развој на иновативен производ. На три повици ќе се изберат по два тима на кои ќе им се назначи ментор/ментори со силни стручни и професионални знаења од областа на проектната идеја. Во текот на четири месечното менторирање, во Inno Fab Lab лабораторијата за производство, тимовите ќе имаат можност да ги надградат своите технички знаења и вештини, да стекнат искуство со тимска работа и да научат како да развијат идеја до продукт-прототип. Преку оваа едукативно-практична програма на развој на производ, учесниците ќе навлезат подлабоко во светот на техниката и технологијата и ќе се стекнат со искуство и вештини кои подоцна ќе им помогнат во успешно трасирање на нивните кариери. Дополнително, на учесниците ќе им биде овозможена обука за основни бизнис и претприемнички вештини кои ќе им бидат од клучно значење за следната фаза од нивниот кариерен развој. Inno Fab Lab ќе биде опремен со: Ласерска машина за сечење во 2D и 3D; CNC машина; Шредер за ситнење на пластичен и земјоделски отпад; Мини екструдор за екструдирање делови од рециклирана пластика и зајакнувачи од отпад (отпад од храна, од металургијата, од текстилната индустрија, од неорганската и хемиската индустрија). Мини преса за добивање композити од обновливи материи базирани на циркуларната економија 3D скенер 2 Компјутери