Janúar

Janúar er markaðshús byggt á traustum grunni markaðsfyrirtækjanna í Kaaberhúsinu sem um árabil hafa starfað á íslenskum auglýsinga- og vefmarkaði. Hjá Janúar starfa grafískir hönnuðir, texta- og hugmyndasmiðir, birtinga- og markaðssérfræðingar, prentsmiðir, forritarar og vefhönnuðir. Við erum samheldinn hópur starfsmanna með fjölbreytta reynslu og menntun sem veitir faglega ráðgjöf og þjónustu við að koma skilaboðum áleiðis með vönduðum, skilvirkum og hagkvæmum hætti, í þeim miðlum sem henta hverju verkefni fyrir sig. Hvað gerum við? Greining: Við teljum það lykilatriði að leggja í ítarlega undirbúningsvinnu og skilgreina þær væntingar og viðbrögð sem verkefnið á að skila til að hámarka árangur í markaðsstarfi. Sköpun: Samræmd skilaboð sem eru sérsniðin að ólíkum miðlum hlúa að góðum árangri í markaðsstarfi. Við erum meðvituð um að allt viðmót og útlit verði að henta hverjum miðli fyrir sig og gerum engar málamiðlanir í þeim efnum. Mælingar: Við leggjum áherslu á að sett séu skýr og mælanleg markmið fyrir þær aðgerðir sem lagt er af stað með. Við mælum árangur bæði samtímis og að herferð lokinni. Þannig getum við breytt áherslum eða aðgerðum og vitað hvort og hvenær markmiðum er náð.