Konbit Klèb Toastmasters

Toastmasters International se yon òganizasyon edikatif ki devlope konfyans nan tèt ou epi anseye ladrès (nan kominikasyon) pou pale nan piblik atravè yon rezo klèb toupatou nan mond lan ki reyini sou entènèt ak an pèsòn. Nou menm Konbit, se youn pami 30 klèb sila yo k ap evolye nan peyi Dayiti, men nou se sèl klèb k ap fonksyone nan lang manman n ak papa nou (kreyòl Ayisyen), nan sousi, non sèlman pou nou bay lang kreyòl la jarèt ak jide rive mete l kanpe byen dyougan toupatou nan mond lan epitou pou nou jide manm nou yo rive aprann pi byen, paske genyen yon gran save ki te di : “ Fè sa ki pasyone nou nan lang manman nou se bay tèt nou chans pou n reyisi pi rapid “.