Lab. de Innovación e Economía Social De Galicia

O Laboratorio de innovación e economía social de Galicia (LIES_Ga) ten como obxectivo principal construír e consolidar un punto de encontro e referencia para as actividades de economía social e innovación social no ámbito universitario galego. Obxectivos: - Visibilizar e fomentar a economía social entre o alumnado e o persoal docente do sistema universitario galego, con atención especial ao da USC - Impulsar coñecemento e difusión da innovación social - Mellorar a identificación da economía social e as iniciativas de innovación social como ferramentas de emprendemento orientadas á construción dunha sociedade que sitúe no centro ás persoas e avance cara un novo paradigma que combine crecemento con sustentabilidade - Mellorar a empregabilidade das mulleres e das persoas con discapacidade da comunidade universitaria así como mellorar o seu aliñamento coa axenda 2030 para o desenvolvemento sostible - Potenciar e favorecer a interlocución entre as entidades de Economía social e a universidade