LifeStep

Lifestep mobil tətbiqini istifadə edərək siz gün ərzində atdığınız addımları virtual pula çevirərək ehtiyacı olan insanlara və fondlara yardım edə bilərsiniz. Tətbiqi yükləyərək siz sağlam həyat tərzini dəstəkləyə, həmçinin digər insanlara yardım əlinizi uzada bilərsiniz. Ölkəmizdə əhalinin həyat və sağlamlığının qorunması, cəmiyyət üzvlərinin fiziki inkişafının təmin edilməsi, sağlam həyat tərzinin təbliğini həyata keçirmək məqsədi ilə “Regional İnkişaf” İctimai Birliyinin maliyyə dəstəyi ilə Digitalks Technologies tərəfindən “LifeStep” mobil tətbiqi hazırlanmışdır. Qeyd edək ki, bu layihə xeyriyyə məqsədilə hazırlanmışdır və biznes məqsədi daşımır. Layihə çərçivəsində yaradılmış xüsusi proqram vasitəsi ilə istifadəçilərin gündəlik addımları hesablanacaq və günün sonunda addımlar istifadəçilər tərəfindən virtual pula çeviriləcəkdir. İstifadəçilər qazandıqları virtual pullar proqram tərəfindən təqdim olunacaq yardıma ehtiyacı olan insanlara və ya fondlara bağışlayacaq. Bildirilən virtual pulların sayı dolduğu təqdirdə insanlara yardım göstəriləcək. “LifeStep” mobil tətbiqi gündəlik addımları virtual pula çevirə və bu gəlirlə sosial məsuliyyət layihələrinə, dərnəklərə və ehtiyacı olan insanlara yardım etməyə imkan verir.