Lytech Azərbaycan

2019-cu ildə Azərbaycanda fəaliyyətə başlayan Lytech şirkəti biznes həllərinin yaradılması, istənilən həcmli müəssisələrə rəqəmsal konsaltinq və transformasiya və İKT audit sahəsində ixtisaslaşmışdır. Şirkət kiçik həcmli şirkətlərdən korporativlərə qədər – geniş diapozonda tətbiq olunan məhsullar təqdim edir. Məhsullarında daim fərqli yanaşma tərzi təqdim edən Lytech şirkəti 10-a yaxın ölkədə şirkətlərin uğurlu fəaliyyətinə əməkdaşlarla paralel şəkildə təsir etməkdədir. Baş ofisi Kanadada yerləşən şirkətin öz sahəsində qlobal təcrübəyə sahib əməkdaşları biznes subyektlərinə iş prosesinin davamlılığını təmin etmək üçün daim araşdırma aparır və unikal yanaşma formalaşdırır. Şirkətin məhsul arealında müştərilərin və insan resurslarının idarəolunması sistemi, anbar və maliyyə uçotunun qurulması və s. kimi qlobal təcrübədən keçmiş məhsullar mövcuddur.