Mancomunidade da Área Intermunicipal de Vigo

A Mancomunidade da Área Intermunicipal de Vigo é unha entidade local de carácter supramunicipal destinada a execución en común de obras e servizos determinados da súa competencia, conforme establece o art. 44.1 da Lei 7/1985 de 2 de abril reguladora das Bases do Réxime Local. Na actualidade, esta Mancomunidade abrangue os seguintes concellos: Vigo, Fornelos de Montes, Gondomar, Mos, Pazos de Borbén, Redondela, Salceda de Caselas e Soutomaior. Os obxectivos principais desta entidade son: Procurar o desenvolvemento xeral e harmónico de todos os concellos que a integran. Aunar esforzos co fin de prestar á cidadanía un maior número de servizos e de mellor calidade. Reducir diferenzas sociais e económicas entre territorios limítrofes. Buscar solucións conxuntas para os problemas que son comúns aos concellos. Mellorar a calidade de vida e o benestar dos seus habitantes. Impulsar o desenvolvemento integral e sostido da área.