Premier Tailor LLC

Компанийн танилцуулга: “Дэлхийн загварын чиг хандлага, үйлчилгээний стандартыг Монголдоо” гэсэн уриан дор (made to measure) буюу эрэгтэй хослол захиалгын мэргэжлийн үйлчилгээг Монголынхоо хэрэглэгчдэд үзүүлэх зорилготойгоор 2012 онд “ПРЕМЬЕР ТЭЙЛОР” ХХК -ийг Т.Зориг захирлаар удирдуулсан баг, хамт олон үүсгэн байгуулсан. “ПРЕМЬЕР ТЭЙЛОР” ХХК нь материалын чанар, хийцлэлийн өндөр стандартын дагуу дахин давтагдашгүй загварлаг байдлыг эрхэмлэн урласан Итали загварын ажил хэрэгч хослолыг Монголын хэрэглэгчдийнхээ биеийн онцлогт тохируулан /зөвхөн өөрийн биеийн хэмжээгээр/ уран хийц, дахин давтагдашгүй загвараар БНСУ-д захиалан хийлгэх боломжийг олгодог. Манай компанийн гүйцэтгэгчээр БНСУ-ын хувцас захиалга, оёдлын салбарт 37 жилийн туршлагатай “Harrison Tailor” LLC компани ажилладаг. Түүнчлэн бид үйл ажиллагаагаа илүү өндөр төвшинд сайжруулах зорилгынхоо хүрээнд мэргэжилтнүүдээ Итали, Франц, Солонгос зэрэг улсууд руу илгээн туршлага судлах, мэргэжлийн ур чадвар, мэдлэг мэдээллээ нэмэгдүүлэх тал дээр тогтмол анхаарч, ажилласаар ирсэн. БИДНИЙ ТҮҮХ: 2012 он - “Премьер Тэйлор” ХХК анх үүсгэн байгуулагдав. 2015 он - Монгол дахь анхны “BESPOKE” гар аргын хослол захиалгын үйлчилгээг нэвтрүүлэв. 2016 он - Италийн алдарт “ISAIA Napoli” брэндийн Монгол дахь албан ёсны салбар дэлгүүрийг нээв. 2016 он - “L’Uomo by Premier Tailor” салбар дэлгүүрийг нээв. (Premier Tailor LLC-ийн залуучуудад зориулсан салбар) 2019 он - Итали Франц зэрэг улсуудын дэлхийд нэр хүндтэй, тансаг зэрэглэлийн брэндүүд болох DIOR, CELINE, GUCCI, YSL, BALENCIAGA зэргийг цогцлоосон албан ёсны эрх бүхий “AME CONCEPT STORE” дэлгүүрийг нээв. 2021 он - Дэлхийн тансаг зэрэглэлийн брэндүүдийг нэг дор албан ёсны эрхтэйгээр нэгтгэсэн эрчүүдийн мулти брэнд “QUINTO CONCEPT STORE” дэлгүүрийг нээв. 2022 онд - Дэлхийн алдарт нүүр будалтын брэнд болох “Mac Cosmetics”-ийн Монгол улс дахь албан ёсны салбар дэлгүүрийг тус тус нээн компанийн үйл ажиллагааны цар хүрээг улам өргөжүүлсээр байна.