RRBDSH - Rrjeti i Bizneseve te Diaspores Shqiptare

Rrjeti i Bizneseve të Diasporës Shqiptare (RRBDSH) është një rrjet i bizneseve gjithë shqiptare, që ushtron veprimtari në dobi të interesave të të gjitha rrjeteve si dhe organizatave të tjera të biznesit në diasporën shqiptare, ku qëllim themelor ka fuqizimin e faktorit ekonomik shqiptar në nivel global përfshirë diasporën dhe vendet ku jetojnë shqiptarët në trevat e tyre, i cili është katalizatori kryesor i tërheqjes së investimeve të huaja. Deri sot janë themeluar 25 rrjete të bizneseve të diasporës shqiptare në 25 vende të botës, të shtrira në katër kontinente. Në maj të vitit 2014 u zgjodh kryesia qendrore/bordi ekzekutiv dhe presidenti Global i RRBDSH-së, në të cilin përfaqësohet nga afaristët më të suksesshëm të diasporës shqiptare në botë. Ky organ ka strukturën organizative, statutin e rrjeteve dhe platformën e punës, dokumente këto që u aprovuan në mbledhjen e këshillit Qendror të RRBDSH-së, në maj të vitit 2015 në Prishtinë. Rrjetet e Bizneseve të Diasporës janë të regjistruara në vendet-shtetet ku veprojnë, duke respektuar statutin dhe platformën e punës së RRBDSH-së, duke respektuar ligjet në vendet ku janë themeluar ato. RRBDSH funksionon i pavarur, ka themeluesit/ideatorët, presidentin, kryetaret e nderit, sekretarin e përgjithshëm, dy nënkryetarë për Evropë dhe për Amerikë dhe kryesinë e zgjedhur nga Kuvendi themelues. RRBDSH ka hapur zyrën koordinuese rajonale në Prishtinë dhe së shpejti do ta hapë zyrën qendrore në Nju-Jork. Zyra në Prishtinë do të jetë urë lidhëse në mes të bizneseve të diasporës institucionet relevante vendëse dhe ndërkombëtare, do të ndihmoj në ofrimin e lidhjeve të ndërmjetësuesve për investime në Kosovë, Shqiperi dhe vise Shqiptare, do të trajtojë projektet konkrete të cilat përfshijnë diasporën në zhvillimin ekonomik, do të hartojë politikat e promovimit të koordinuar të përparësive që ofron Kosova pë bizneset nga diaspora, do të punojë në identifikimin e barrierave administrative, ligjore për bizneset nga diaspora, etj.