SOCAR PETROLEUM QSC

“SOCAR PETROLEUM” QSC neft məhsullarının alqı-satqısının təşkil edilməsi və çoxsahəli nəqliyyat infrastrukturuna, beynəlxalq standartlara uyğun, keyfiyyətli təchizat xidmətinin həyata keçirilməsi məqsədilə 15.09.2008-ci ildə təsis edilib və “SOCAR” brendi ilə kommersiya fəaliyyətinə başlayıb. Hazırda ölkəmizdə sayı günbəgün artan YDS-lərin 71-i “SOCAR PETROLEUM”un payına düşür. Şirkətin 1 Sıxılmış Təbii Qaz Terminalı və 13 Neft Bazası Sahəsi var. 2021-ci ildə etibarən Cəmiyyətin Qarabağ və Şərqi Zəngəzur iqtisadi rayonlarında da YDS-ləri istifadəyə verilib. Hazırda Şuşa, Laçın və Ağdam şəhərlərində, Qubadlı (Eyvazlı kəndi), Xocavənd (Hadrut qəsəbəsi), Cəbrayıl (Şükürbəyli) rayonlarında SOCAR brendli YDS-lər fəaliyyət göstərir. Bununla da Qarabağ və Şərqi Zəngəzur iqtisadi rayonlarında SOCAR brendli YDS-lərinin sayı 9-a çatıb. Qeyd edək ki, ölkə ərazisində fəaliyyət göstərən bütün yanacaqdoldurma stansiyaları müştərilərə 7/24 xidmət göstərir. Xüsusilə qeyd edək ki, Azərbaycanda “SUPER” yanacağının satışı yalnız “SOCAR” brendi ilə fəaliyyət göstərən YDS-də həyata keçirilir. “SOCAR PETROELUM” QSC-nin starateji inkişaf planına uyğun olaraq, ölkə ərazisində müasir standartlara cavab verən “SOCAR” brendli yanacaqdoldurma stansiyalarının sayı dinamik inkişafla artırılır.