Stjórnvísi

Markmið okkar er að miðla þekkingu og reynslu meðal stjórnenda, efla þá og hjálpa við að ná árangri. Starfið fer fram í faghópum, sem eru um 25 talsins í dag á jafnmörgum sviðum stjórnunar. Hver hópur boðar til fundar að jafnaði einu sinni í mánuði þar sem tiltekið málefni er tekið til umfjöllunar í fyrirlestra- og umræðuformi eða á annan hátt. Stjórnvísi eru félagasamtök sem ekki eru rekin í hagnaðarskyni. Hlutverk Stjórnvísi: Efla gæði stjórnunar á Íslandi með því að skapa hvetjandi vettvang fyrir gagnkvæma þekkingarmiðlun, umræður og tengslamyndun. Framtíðarsýn Stjórnvísi: Að vera leiðandi í umræðu um faglega stjórnun auk þess að vera fyrsti valkostur í þekkingarleit, miðlun og tengslamyndun. Gildi Stjórnvísi: Framsækni: Við sækjum fram af krafti og horfum til nýjustu strauma og stefna í faglegri stjórnun Fræðsla: Við miðlum fjölbreyttri þekkingu og reynslu Fagmennska: Við höfum fagmennsku að leiðarljósi og leitum ávallt til færustu sérfræðinga í hverju fagi á hverjum tíma