Tufan Football Club

“Tufan” futbol klubu Yanvar 2016-cı ildə bir qrup futbol həvəskarı tərəfindən “Tufan” futbol komandasının bazasında təsis edilmişdi. Həmin ilin Avqust ayında Ədliyyə Nazirliyində rəsmi qeydiyyata alınan klubumuzun təşkilati-hüquqi forması ictimai birlikdir. Kluba İdarə Heyəti rəhbərlik edir. Yeni yarandığı dövrdə 18 yaşdan yuxarı müxtəlif yaşlı həvəskarlardan təşkil olunan komandamız Azərbaycan Həvəskarlar Futbol Federasiyasının təşkil etdiyi birincilikdə 2 mövsüm (2015-2016 və 2016-2017-ci illər mövsümü) iştirak etmişdir. 2017-2018-ci il futbol mövsümündən etibarən, klubun inkişaf konsepsiyasına uyğun olaraq həmin mövsüm üçün yenidən təsis olunmuş yeganə komandamıza 20 yaşdan aşağı gənclər cəlb olunmuş və bu komandamız AFFA-nın təşkil etdiyi Region Liqasında çıxış etmişdir. 2018-2019-cu illər mövsümü üçün “Tufan” futbol klubunda iki komanda təsis edilmişdir. 21 yaşadək futbolçulardan təşkil olunmuş komandamız Region Liqasında, 17 yaşadək olan futbolçulardan təşkil olunmuş komandamız isə müvafiq olaraq 17 yaşadək (U-17) futbolçulardan ibarət komandalar arasında keçirilən Azərbaycan çempionatında çıxış edir. “Tufan” futbol klubunun missiyası İdman elminin ən yaxşı nəticələrini tətbiq etməklə yerli və xarici futbol bazarlarının tələblərinə cavab verən futbolçular hazırlamaq və keyfiyyətli futbol oyunu təqdim etmək