"UDHA E SHKRONJAVE" Cambridge International School

"Udha e shkronjave" ofron shkollim të rregullt për moshat 5-19 vjeç të ndara në katër cikle: cikli fillor (5-11 vjeç), klasa parashkollore dhe klasat 1-5, kryen programe të Kembrixhit (Cambridge Primary) dhe të Ministrisë së Arsimit, cikli i mesëm i ulët (11-14 vjeç, klasat 6-8) kryejnë programe të Kembrixhit (Cambridge Lower Secondary) dhe programe të Ministrisë së Arsimit. Cikli i tretë është IGCSE dhe përfshin programet IGCSE për klasën 9-10. Cikli i fundit është A Level (klasa 11-12). Ndërkohë shkolla ofron dëftesën e lirimit të Ministrisë së Arsimit, dëftesën e Kembrixhit Cambridge ICE në fund të klasës së dhjetëë dhe diplomën e Kembrixhit Cambridge AICE në fund të shkollës së mesme. Shkolla ka botuar një seri tekstesh mësimore dhe është organizatore e Olimpiadës Kombëtare "Udha e shkronjave", veprimtaria më e madhe në rang kombëtar.