Viðskiptafræðideild Háskóla Íslands

Viðskiptafræðideild Háskóla Íslands hefur gegnt forystuhlutverki í menntun stjórnenda og sérfræðinga á sviði viðskiptafræði í rúma sjö áratugi. Deildin hefur lagt metnað sinn í að auka og miðla alþjóðlega viðurkenndri þekkingu með því að vera leiðandi í rannsóknum, kennslu og þjónustu við íslenskt atvinnulíf. Viðskiptafræðideild býður upp á grunnnám í viðskiptafræði með fjögur kjörsvið, 11 námsleiðir í meistaranámi og doktorsnám. Við deildina starfa sérfræðingar með fræðilega og praktíska þekkingu á öllum helstu sviðum viðskipta.