Stoð

Stoð er þjónustufyrirtæki á heilbrigðissviði, stofnað árið 1982. Hjá fyrirtækinu starfar fjöldi sérfræðinga og er lögð áhersla á þverfaglega samvinnu til að finna bestu lausnirnar fyrir viðskiptavini. Innan fyrirtækisins er stoðtækjadeild, hjálpartækjadeild, framleiðsludeild og sölu- og þjónustudeild. Stoð hefur verið leiðandi í þjónustu við einstaklinga sem þurfa á hjálpartækjum að halda. Mikil áhersla er lögð á þverfaglega samvinnu. Við erum í samstarfi við aðila í heilbrigðisþjónustu, s.s. sjúkraþjálfara, iðjuþjálfa, bæklunarlækna o.fl. Þessi samvinna auðveldar okkur að finna bestu heildarlausnirnar fyrir skjólstæðinga okkar. Við smíðum hvers konar spelkur og gervilimi, sérsmíðum skó, útvegum tilbúna bæklunarskó, gerum göngugreiningar og erum með úrval innleggja, bæði sérsmíðuð og aðlöguð. Við aðstoðum fólk við val á hjálpartækjum, s.s hjólastólum, vinnustólum, göngugrindum, barnakerrum, sjúkrarúmum, baðherbergis- og salernishjálpartækjum. Við seljum ferðakæfisvefnsvélar og aukahluti, gervibrjóst, þrýstingssokka, þrýstings- og brunaumbúðir, tilbúnar spelkur og innlegg, íþróttahlífar, hækjur og stafi, svo eitthvað sé nefnt. Einnig smáhjálpartæki til notkunar í daglegu amstri, s.s. borðbúnað, hneppara, krukkuopnara, griptangir og margt fleira.